Энэхүү үйлчилгээний нөхцөл нь "Еннеаграм Монгол Шийдэл" НҮТББ-ын веб сайтаар дамжуулан үзүүлж буй еннеаграмын зан төлөвийн үнэлгээний үйлчилгээтэй холбоотой хэрэглэгч болон үйлчилгээ үзүүлэгчийн эрх, үүргийг тодорхойлох зорилготой болно. Хэрэглэгч "Үйлчилгээний нөхцөлийг зөвшөөрч байна" гэсэн сонголтыг идэвхжүүлснээр энэхүү нөхцлийг бүрэн уншиж, ойлгож, сайн дурын үндсэн дээр хүлээн зөвшөөрсөнд тооцогдоно.

1. Үйлчилгээний зорилго

Энэхүү сайт нь хувь хүн болон байгууллагад эннеаграмын зан төлөвийн үнэлгээний үйлчилгээг цахимаар үзүүлэх зорилготой бөгөөд дараах үйлчилгээг санал болгоно.

Еннеаграмын тест бөглөх

Онлайн төлбөр хийх

Байгууллагын код ашиглан төлбөргүй тест бөглөх

Тестийн үр дүнг цахим шуудангаар хүлээн авах

2. Хэрэглэгчийн эрх

Хэрэглэгч дараах эрхтэй.

Үйлчилгээг сайн дурын үндсэн дээр ашиглах.

Үйлчилгээний талаарх мэдээлэл авах.

Төлбөр амжилттай баталгаажсан тохиолдолд тест бөглөх.

Байгууллагын хүчинтэй кодтой бол төлбөргүй тест бөглөх.

Үр дүнгээ бүртгүүлсэн цахим шуудангаар авах.

Санал хүсэлт, гомдол гаргах.

3. Хэрэглэгчийн үүрэг

Хэрэглэгч дараах үүргийг хүлээнэ.

3.1 Үнэн зөв мэдээлэл өгөх

Хэрэглэгч өөрийн нэр, овог, цахим шуудангийн хаяг болон шаардлагатай бусад мэдээллийг үнэн зөв бөглөх үүрэгтэй. Буруу мэдээлэл оруулсны улмаас үр дүн хүргэгдэхгүй, үйлчилгээ ашиглах боломжгүй болсон тохиолдолд үйлчилгээ үзүүлэгч хариуцлага хүлээхгүй.

3.2 Тестийг өөрөө бөглөх

Хэрэглэгч нь тестийг өөрөө, үнэн зөвөөр бөглөх бөгөөд бусдын өмнөөс зөвшөөрөлгүй бөглөх, өөр хүнээр бөглүүлэхийг хориглоно.

3.3 Байгууллагын код ашиглах

Байгууллагын код нь зөвхөн тухайн байгууллагын ажилтан, сургалтад хамрагдаж буй эсвэл зөвшөөрөгдсөн оролцогчдод зориулагдсан.

Дараах үйлдлийг хориглоно.

Кодыг олон нийтэд түгээх.

Кодыг бусдад худалдах, дамжуулах.

Зөвшөөрөлгүй ашиглах.

Кодыг хуулбарлан олон удаа ашиглах.

Эдгээр нөхцөл зөрчигдсөн тохиолдолд үйлчилгээ үзүүлэгч тухайн кодыг хүчингүй болгох, хэрэглэгчийн эрхийг түдгэлзүүлэх эрхтэй.

3.4 Нууцлал

Хэрэглэгч өөрийн нэвтрэх мэдээлэл, баталгаажуулах код болон байгууллагын кодыг бусдад дамжуулахгүй байх үүрэгтэй.

4. Төлбөрийн нөхцөл

Хувь хэрэглэгч 20,000 төгрөг төлснөөр нэг удаагийн тест бөглөх эрхтэй болно.

Төлбөр амжилттай баталгаажсаны дараа тест бөглөх боломж нээгдэнэ.

Нэг удаагийн төлбөр нь зөвхөн нэг тест бөглөх эрх олгоно. Төлбөрийг өөр хэрэглэгчид шилжүүлэх, дахин ашиглуулах боломжгүй.

5. Байгууллагын кодын үйлчилгээ

Байгууллагын гэрээний хүрээнд үйлчилгээ авч буй хэрэглэгч байгууллагаас олгосон хүчинтэй кодыг ашиглан төлбөргүй тест бөглөх боломжтой.

Үйлчилгээ үзүүлэгч нь байгууллагын кодын:

хүчинтэй хугацаа,

ашиглах боломжтой хэрэглэгчийн тоо,

ашиглах нөхцөлийг урьдчилан тогтоох эрхтэй.

6. Буцаан олголтын журам

Дараах тохиолдолд төлбөрийг буцаан олгохгүй.

Тест бөглөж дуусаад үр дүн цахим шуудангаар илгээгдсэн.

Буруу цахим шуудан бүртгүүлсэн.

Дараах тохиолдолд үйлчилгээ үзүүлэгч асуудлыг шалган шийдвэрлэнэ.

Системийн техникийн гэмтэл.

Давхар төлбөр төлөгдсөн.

Төлбөрийн системийн алдаа.

Үйлчилгээ үзүүлэгчээс шалтгаалсан техникийн саатал.

7. Тестийн үр дүнгийн талаарх мэдэгдэл

Энэхүү тест нь хувь хүний өөрийгөө танин мэдэх, хувь хүний хөгжлийг дэмжих зорилготой үнэлгээ юм.

Тестийн үр дүн нь:

эмнэлгийн онош,

сэтгэцийн эмчилгээ,

сэтгэл заслын дүгнэлт,

хууль эрх зүйн нотлох баримт,

хөдөлмөрийн чадварын үнэлгээ болохгүй.

Үр дүн нь хэрэглэгчийн тухайн үеийн өөрийн үнэлгээнд үндэслэн автоматаар боловсруулагдах бөгөөд цаг хугацаа, туршлага, орчны нөлөөгөөр өөрчлөгдөж болно.

8. Үр дүнгийн ашиглалтын хязгаарлалт

Энэхүү тестийн үр дүнг дараах зорилгоор ашиглахыг зөвлөхгүй.

Ажилд авах эсвэл ажлаас чөлөөлөх.

Эрүүл мэндийн онош тогтоох.

Сэтгэцийн эмчилгээний шийдвэр гаргах.

Хууль эрх зүйн нотлох баримт болгон ашиглах.

Хэрэглэгч үр дүнг дээрх зориулалтаар ашигласнаас үүдэн гарах аливаа үр дагаварт үйлчилгээ үзүүлэгч хариуцлага хүлээхгүй.

9. Оюуны өмч

Энэхүү сайтад байршуулсан тестийн асуултууд, тайлан, алгоритм, программ хангамж, тайлбар, зураг, дизайн, мэдээллийн бүтэц зэрэг бүх материал нь Еннеаграм Монгол Шийдлийн оюуны өмч болно. Хэрэглэгч үйлчилгээ үзүүлэгчийн бичгээр өгсөн зөвшөөрөлгүйгээр эдгээр материалыг хуулбарлах, нийтлэх, худалдах, түгээх, өөр сайт болон программд ашиглахыг хориглоно.

10. Тестийн аргачлал, найдвартай байдал

"Еннеаграм Монгол Шийдэл" НҮТББ-аас ашиглаж буй еннеаграмын тест нь мэргэжлийн сэтгэл зүйчдийн олон жилийн судалгаа, боловсруулалт, туршилтад үндэслэн Монгол Улсад нутагшуулагдсан үнэлгээний аргачлал болно. Уг тест нь 10,000 гаруй хүний оролцоотой туршилт, судалгаанд үндэслэн боловсруулагдаж, дотоодын хэрэглээнд тохируулан сайжруулсан бөгөөд статистикийн шинжилгээгээр хүлээн зөвшөөрөгдөх түвшний найдвартай байдлын үзүүлэлттэй байна. Тестийн үнэн зөв үр дүн нь хэрэглэгч тухайн асуултуудад өөрийн сэтгэл зүйн байдал, зан төлөвийг илэрхийлэн үнэн зөв, зааврын дагуу хариулсан эсэхээс шууд хамаардаг. Иймд хэрэглэгч тест бөглөхөөс өмнө өгөгдсөн заавар, тайлбарыг бүрэн уншиж ойлгон, асуулт бүрт өөрийн бодит туршлага, зан төлөвийг илэрхийлэн хариулах үүрэгтэй.

Хэрэглэгч зааврыг мөрдөөгүй, асуултад санамсаргүй, дутуу, буруу ойлгож эсвэл өөрийгөө бодитоор илэрхийлэлгүйгээр хариулсны улмаас гарсан үр дүнгийн үнэн зөв байдалд үйлчилгээ үзүүлэгч хариуцлага хүлээхгүй.

11. Тестийн үр дүнтэй холбоотой төлбөрийн нөхцөл

Хэрэглэгч тестийг бөглөж дуусгасан тохиолдолд тухайн үйлчилгээ бүрэн үзүүлсэнд тооцогдох бөгөөд тестийн үр дүн хэрэглэгчийн хүлээлттэй нийцээгүй, өөрийгөө зөв илэрхийлээгүй гэж үзсэн, эсхүл тест бөглөх зааврыг мөрдөөгүй зэрэг үндэслэлээр төлбөрийг буцаан олгохгүй. Гэсэн хэдий ч үйлчилгээ үзүүлэгч нь хэрэглэгчийн хүсэлт, онцгой нөхцөл байдлыг харгалзан үзэж, харилцан тохиролцсон тохиолдолд тухайн үйлчлүүлэгч тест дахин бөглөх үйлчилгээний төлбөрт 50 хүртэлх хувийн хөнгөлөлт үзүүлэх боломжтой. Энэхүү хөнгөлөлт нь үйлчилгээ үзүүлэгчийн шийдвэрээр нэг хэрэглэгчид нэг удаа олгогдох бөгөөд мөнгөн төлбөр буцаан олголт гэж тооцогдохгүй.

12. Хувийн мэдээллийн хамгаалалт

Үйлчилгээ үзүүлэгч нь хэрэглэгчийн нэр, цахим шуудан, тестийн хариулт, тестийн үр дүн, төлбөрийн мэдээлэл зэргийг Монгол Улсын холбогдох хууль тогтоомжийн дагуу хамгаална.

Эдгээр мэдээллийг зөвхөн дараах зорилгоор ашиглана.

тестийн үр дүн боловсруулах,

цахим шуудангаар илгээх,

үйлчилгээний статистик боловсруулах,

системийн чанарыг сайжруулах.

13. Судалгаа, статистик болон шинжилгээний зориулалтаар мэдээлэл ашиглах

Үйлчилгээ үзүүлэгч нь хэрэглэгчийн тестийн хариултыг эрдэм шинжилгээ, судалгаа, статистик дүн шинжилгээ хийх, Монгол Улсын хэмжээнд зан төлөвийн хэв шинжийн тархалт, хандлага, өөрчлөлтийн талаарх тайлан, судалгааны өгөгдөл боловсруулах, сургалт, боловсролын агуулга хөгжүүлэх болон үйлчилгээний чанарыг сайжруулах зорилгоор ашиглаж болно. Судалгааны үр дүнг зөвхөн нэгтгэсэн статистик хэлбэрээр (жишээлбэл, хувь хэмжээ, дундаж үзүүлэлт, бүлгийн харьцуулалт, тархалтын мэдээлэл гэх мэт) боловсруулах бөгөөд тухайн хэрэглэгчийг таних, тодорхойлох боломжгүй байдлаар нийтэлнэ. Хэрэглэгч энэхүү үйлчилгээний нөхцөлийг зөвшөөрснөөр өөрийн тестийн нэргүйжүүлсэн үр дүнг дээр дурдсан зорилгоор ашиглахыг зөвшөөрсөнд тооцно.

14. Цахим шуудангийн үйлчилгээ

Тестийн үр дүн нь хэрэглэгчийн бүртгүүлсэн цахим шуудангийн хаяг руу автоматаар илгээгдэнэ.

Дараах нөхцөлөөс шалтгаалан үр дүн хүргэгдэхгүй болсон тохиолдолд үйлчилгээ үзүүлэгч хариуцлага хүлээхгүй.

Буруу цахим шуудан бүртгүүлсэн.

Шуудангийн хайрцаг дүүрсэн.

Спам шүүлтүүрт орсон.

Шуудангийн үйлчилгээний доголдол гарсан.

15. Системийн доголдол

Серверийн шинэчлэл, интернетийн саатал, төлбөрийн системийн доголдол, давагдашгүй хүчин зүйл болон бусад техникийн нөхцөлөөс шалтгаалан үйлчилгээ түр хугацаагаар тасалдаж болно.

Ийм тохиолдолд үйлчилгээ үзүүлэгч асуудлыг боломжит богино хугацаанд сэргээх арга хэмжээ авна.

16. Хариуцлагын хязгаарлалт

Үйлчилгээ үзүүлэгч дараах нөхцөлөөс үүдэн үүсэх хохиролд хариуцлага хүлээхгүй.

Хэрэглэгчийн буруу мэдээлэл.

Буруу цахим шуудан.

Интернэт болон гуравдагч талын үйлчилгээний доголдол.

Хэрэглэгчийн төхөөрөмжийн гэмтэл.

Хэрэглэгч тестийг үнэн зөв бөглөөгүйгээс үүссэн үр дүн.

Хэрэглэгч тестийн үр дүнг буруу тайлбарлаж ашигласнаас үүсэх үр дагавар.

Хуулиар өөрөөр заагаагүй бол үйлчилгээ үзүүлэгчийн хүлээх нийт хариуцлагын хэмжээ нь тухайн хэрэглэгчийн төлсөн үйлчилгээний төлбөрийн хэмжээнээс хэтрэхгүй байна.

17. Насны шаардлага

12 нас хүрээгүй хэрэглэгч энэхүү үйлчилгээг эцэг эх, хууль ёсны асран хамгаалагчийн зөвшөөрөлтэйгээр ашиглана. Хэрэв насанд хүрээгүй хэрэглэгч зөвшөөрөлгүйгээр үйлчилгээ ашигласан нь тогтоогдвол үйлчилгээ үзүүлэгч үүнтэй холбоотой хариуцлага хүлээхгүй.

18. Төлбөрийн эрхийн хүчинтэй хугацаа

Хэрэглэгч төлбөрөө амжилттай төлснөөс хойш 30 хоногийн дотор тестээ бөглөнө.

Энэ хугацаанд тестээ бөглөөгүй бол тухайн эрх автоматаар хүчингүй болох бөгөөд төлбөрийг буцаан олгохгүй. Хэрэв үйлчилгээ үзүүлэгч өөр хугацаа тогтоосон бол тухайн мэдээллийг сайтад урьдчилан байршуулна.

19. Давхар төлбөр

Хэрэв системийн алдаанаас шалтгаалан нэг үйлчилгээнд хоёр болон түүнээс дээш удаа төлбөр төлөгдсөн бол хэрэглэгч баримтаа ирүүлсний үндсэн дээр асуудлыг шалгаж, баталгаажсан тохиолдолд илүү төлөгдсөн төлбөрийг хууль болон байгууллагын дотоод журмын дагуу буцаан олгоно.

20. Автомат тайлан боловсруулах тухай

Тестийн үр дүн нь урьдчилан боловсруулсан үнэлгээний аргачлал болон автомат тооцооллын алгоритмаар боловсруулагдана.

Энэхүү тайлан нь хувь хүний өөрийгөө танин мэдэхэд чиглэсэн мэдээлэл бөгөөд мэргэжлийн сэтгэл зүйн зөвлөгөө, оношлогоо, эмчилгээний үйлчилгээг орлохгүй.

21. Үйлчилгээг түдгэлзүүлэх, цуцлах

Үйлчилгээ үзүүлэгч дараах тохиолдолд хэрэглэгчийн эрхийг түр түдгэлзүүлэх эсвэл бүрмөсөн цуцлах эрхтэй.

Үйлчилгээний нөхцөл зөрчсөн.

Байгууллагын кодыг хууль бусаар ашигласан.

Системд зөвшөөрөлгүй нэвтрэх, халдах оролдлого хийсэн.

Бусдын эрхийг зөрчсөн, хууль бус үйл ажиллагаа явуулсан.

22. Үйлчилгээний нөхцөлд өөрчлөлт оруулах

Үйлчилгээ үзүүлэгч нь хууль тогтоомжийн өөрчлөлт, үйлчилгээний шинэчлэл болон бусад шаардлагын улмаас энэхүү үйлчилгээний нөхцөлд өөрчлөлт оруулах эрхтэй.

Өөрчлөлтийг сайтад нийтэлсэн өдрөөс эхлэн хүчин төгөлдөр мөрдөнө.

23. Маргаан шийдвэрлэх

Үйлчилгээтэй холбоотой аливаа маргааныг эхлээд харилцан зөвшилцөх замаар шийдвэрлэхийг зорино.

Зөвшилцөлд хүрээгүй тохиолдолд Монгол Улсын хууль тогтоомжийн дагуу эрх бүхий байгууллагаар шийдвэрлүүлнэ.